Conocer les llingües d’Asturies ye un derechu que tienen tolos alumnos y alumnes.
Amás, estudiar el nuestru patrimoniu llingüísticu tien munches ventayes.
Escueyi Llingua Asturiana pal cursu que vien.
-Solicitú
¿Ónde?
Na to escuela o institutu.
¿Cuándo?
Al echar la solicitú del cursu que vien, busca Lengua Asturiana y márcala. Repara bien nes feches:
Solicitú: Del 24 d’abril al 5 de mayu
Matrícula Infantil y Primaria: 20 a 27 de xunu
Matrícula Eso y Bachilleratu: 3 y 4 de xunetu
¿Fai falta un mínimu d’alumnáu pa formar grupu?
Non. Si quieres, puedes. L’estudiu del asturianu ye voluntariu pero pa los centros ye obligao ufiertalo. Al ser un derechu reconocíu nel Estatutu d’Autonomía, l’enseñu nun se pue negar en nengún casu.
Si nun lo di n’años anteriores, ¿pueo apuntame pa esti cursu?
Sí, puedes facelo perfectamente. A lo primero del cursu, el profesor o profesora va mirar por que teas en condiciones d’aprovechar el cursu. L’asturianu, al ser una llingua ambiental y cercana al castellán, ye una llingua onde se garra competencia comunicativa mui rápido ¡y seguro que sabes más asturianu de lo que pienses!
¿Qué m’aporta l’estudiu del asturianu?
Les razones pa deprender asturianu son munches, pero vamos dexar que te les cunten los y les protagonistes de la historia: los alumnos y alumnes qu’estudien asturianu y les sos families y profesores.
¿Por qué te presta estudiar Llingua Asturiana?
Quien escueye Llingua Asturiana recibe, al tiempu que’l llingüísticu, un conocimientu más ampliu del entornu cercanu y conciencia sobre la necesidá de defender el patrimoniu común. Asina, los neños y neñes qu’estudien asturianu identifíquense cola llingua y disfruten de la cultura que s’espresa nella.
¿Qué aporta a los neños y neñes l’asignatura de Llingua Asturiana?
Como col aprendimientu de cualquier llingua, el conocimientu va envueltu nuna serie de valores y competencies de munchu valir pa los neños y neñes, necesarios pa la so formación y pal futuru del idioma.
¿Qué t’aportó Llingua Asturiana na ESO y el Bachiller?
L’alumnáu, años depués, valora la contribución de l’asignatura d’asturiano na configuración de la so identidá y los sos valores
